 Underteikna
er framleis full av lovord og begeistring for den innsatsen som utøvarar
og organisatorar i Brekke Skulemusikkorps gjer, og var difor med korpset
på tur til Sogn og Fjordane-meisterskapen for skulekorps og generasjonskorps
på Nordfjordeid 24.-25. mars 2001.
Det var ein spent gjeng som la i veg, fullt klar over at mange hadde
store håp til dei. I fjor fekk dei nemleg eit napp i vandrepokalen som
det korpset som fekk flest poeng. Dette visste ein ville bli vanskeleg å
gjere oppatt. Florø Skoles Musikkorps som stiller i 1. divisjon har
nemleg ikkje ry på seg for å gjere dårlege konsertar... Korpset var
påmeldt i 2. divisjon Brass, og hadde eit vanskeleg sjølvvalt nummer.
Generalprøva helga før hadde berre gått so som so, og konkurransen er
hard både frå 1. og 3. divisjon.
Frå Ikjefjorden er det no 3 med i korpset, og 2 aspirantar. Dei har
hatt mykje glede av- og lært mykje den tida dei har vore med, og til 17.
mai får me besøk av dei saman med resten av korpset. Då kjem vel DU
og??!
Under ser du nokre bilete frå turen. Klikk på dei, og du får sjå
dei i større format.
Tips og kommentarar til Bjarte
Myren
|
 |
 |
 |
 |
 |
| Bussen var tydeleg
markert for turen, og deltakarane vare fulle av spenning og forventning. |
Det er mykje som skal
gjerast når ein kjem til Eid: Instrumenta må først varmast opp, så
skal akustikken på scenen prøvast, og etter det skal det finpussast på
dei siste detaljane. |
 |
 |
 |
 |
 |
| Endeleg blir det tid til litt
medbrakt kveldsmat |
Så gjeld det å finne seg ein god
soveplass. |
Desse karane har det romslegare, og
nyttar plassen til eit slag kort. |
Denne må me prøve! |
Det er om desse det skal spelast i
morgon... |
 |
 |
 |
 |
 |
| Der kjem brekkingane inn på scena,
presis på minuttet. |
Publikum syner tydeleg at dei har
forventningar til sogningane. |
Og so... Inger Marie lyfter
taktstokken som teikn til at no gjeld det. |
Knapt 20 minutt seinare
er det berre å bukke og takke for den hittil kraftigast applausen. Det
vart ei feiande framføring til stor glede for publikum. Men kva synest
dommarane? |
 |
 |
 |
 |
 |
| Det måtte me vente i spenning til
om kvelden for å få svar på. Då var det underhaldning, premieutdeling
og diskotek i idrettshallen. |
Her er alle korpsa i divisjon 2
representert på podiet. Spenninga i salen er til å ta og føle på. Kven
har vunne? |
Stor var gleda då leiaren for NMF
Sogn og Fjordane, Bodil Bjørlo Takle kunne fortelje at vinnaren var
BREKKE. (92 poeng.)
(Florø vann vandrepokalen med 95 poeng.) |
Akk ja. Dagen der på
går med til opprydding og pakking. Deltakarane virka godt nødge med
innsats og resultat, og voneleg fulle av inspirasjon vende dei nasa heim. |
 |
 |
 |
 |
Dette var ei flott oppleving, og dei av foreldra som enno
ikkje har vore med på ein slik tur, bør melde seg på neste gong.
Kontakt leiaren!
|
| På Lote vart det tid
til å høyre igjennom opptak frå konkurransen. |
Og heime i
Brekke stod det foreldre og sysken og venta. Sjå! dei har heisa flagget,
var det nokon som ropte i bussen. |
Ja, ja. Då er det vel
berre å putle seg heim att, med hovudet fullt av gode minner! |
|
Palmesundag var det Påskemarknad i Risnehall til inntekt for korpset.
Der var det mykje folk som hadde det moro, og brukte mange pengar. Korpset
kvitterte med ei strålande framføring av programmet dei spela på Eid.
Dei 12 aspirantane fekk og vise seg fram, og såg ut til å ha det kjekt
bak messingen. |
