Her vil me samle opp forskjellige saker som ikkje naturleg kjem inn under ei av dei andre sidene.
|
2004: Gravstøtter lagt på bakken. Høyanger kyrkjelege
fellesråd har ved oppslag og avisannonse varsla eigarar av gravstøtter på
Ikjefjord gravplass om at dei skal vere sikra med 2 stk 12 mm x 15 cm
syrefaste boltar i sokkelen for å hindre at dei er til fare for besøkande på
gravplassen. Fristen var sett til 1. august. Omlag tre veker seinare, kunne
ein konstatere at 25 steinar var lagt i bakken. Dei fleste er gamle, og
mange uleselege, men for dei som ikkje er gjort kjent med varselet, er det
eit lite kjekt syn som ventar. Det er og varsla at støtter som ikkje vert
sikra kan bli fjerna. Spørsmålet ein kan stille seg er om ikkje Høyanger
kyrkjelege fellesråd bør legge litt arbeid i å finne eigarane av støttene
før dei set i verk slike tiltak.
 |
| 2004: Haukedalsvegen ferdig. Etter atskillege lass
med masse og mykje fjellsprenging kunne Haukedalsvegen ferdigmeldast.
 |
| 2003: Ramberget opna etter ras. Gamlevegen rundt
Ramberget er open for gåande og syklistar. All ferdsel på eige ansvar.
|
| 2002: Byggjestart på skogsvegen i Haukedalen. Måndag
11. mars starta Henry Solheim på arbeidet med å byggje skogsveg til
Haukedalen. Det er store mengder tømmer som med denne vegen vert gjort
tilgjengelege, og utfordringa vert no korleis ein best skal nytte dette
råstoffet. Furua i Haukedalen har ord på seg for å vere både velvaksen og
rik på alen. Det finnast både kunnskap og utstyr i bygda til å ta hand om
ressursane. Det arbeidast no med å finne måtar å auke den lokale
verdiskapinga på. |
| 2001: Heile Ytre Trædalen slegen. Det er kanskje 30 år
sidan sist. Med dunder og brak er det no og slege
rundt tjørna. Det er Terje
som no skal ta i bruk resten av bøane.
|
| 2001: Vegen rundt Ramberget er rydda! Det er ikkje meir enn
12 år sidan den vart stengt, men det gror fort til.
|
| 2001: Sykkeltur
på Sørsida. (Reportasje frå Syklistenes
Landsforbund, Hordaland) Me anbefalar sjølvsagt avstikkar
1 langs den nyrydda gamlevegen rundt
Ramberget ,på utsida av tunnelen, ein tur på grusveg til Vassdalsvatnet
for å fiske (gratis), og avslutningsvis eit svalande bad i fjøra på
Granden.
|
2001: Gamlehuset
på Brekka.
Betsy Brekken budde der til ho var over 90 år. Ho døydde 9. des.
2001, over 104 1/2 år gammal.
|
| 2001: På Sogn og
Fjordane-meisterskap med Brekke Skulemusikkorps
|
| 2000: Bilete
frå badelivet 24. og 25. juli 2000. (+ ein etternølar i november.)
|
2001: Kanalreinsk på Inngjerdsla.
 |
