| I alt rår grunneigarane ifrå
Ytre Trædal i vest til Sørevik i aust over nærare 100 km2
utmarksareal. Her er det fleire gode fiskevatn, og eit variert jakt- og
turterreng.
 Hjortejakta
er den aktiviteten som både engasjerer flest og kastar mest av seg. I alt
er det 6 aktive jaktvald for hjort, og dei siste åra har det vorte felt
nærare 50 dyr. Dette svarar til ein førstehands
kjøtverdi på bort imot 200.000,- kroner. Dersom potensialet med
jaktoppleving hadde vore utnytta maks, ville verdiskapinga ha vore mange gangar
så høg. Meir om hjortejakta: Hestebotnbruna jaktlag.
Elles blir det drive ein del jakt på rype i fjella, og det er utleige av
fjellbeite for smale. Frå og med sommaren 2000 vart det mogeleg å kjøpe
fiskekort for vatna i området til Ikjen og Indre Tredal. I Stordalen er
det i samarbeid med grunneigarar i Masfjorden lagt ut eit stort tal
hyttetomter for bygsling.
Grunneigarane har organisert på ulike måtar for å samordne
utnyttinga av utmarksressursane. Lengst er ein komen i Ikjen og Indre
Tredal, der dei skipa Ikjefjord Grunneigarlag i
1999.
|
