12. november arrangerte Hyllestad og Høyanger husflidslag julemesse i Grendahuset. 16 utstillarar frå Hordaland og Ytre Sogn kunne by på eit variert utval sjølvlaga produkt som dei gjerne ville selje til nyfikne Ikjefjordingar, Bjordalingar, Oppedalingar, Brekkingar m.m. I tillegg var det aktivitetsrom for ivrige små hender. Der kunne dei mellom anna lage armband av tryggleiksnåler og perler, noko det har vore vanskeleg å få kjøpt i år.

Det blei fullt både på parkeringsplassen og inne i Grendahuset denne sundagen. Det var vel omtrent 200 besøkande med stort og smått, og desse la att omlag kr 30.000,- Sjå godt etter på bileta, kanskje ser du di eiga julegåve der!