STORDALEN
FERIE OG FRITID
Er du interessert i
fjellturar, hytte, jakt eller fiske?
Ta
då turen til STORDALEN
– som ligg omlag 500 m.o.h. på grensa mellom Sogn og Fjordane og
Hordaland fylke, og er innfallsporten til Stølsheimen Landskapsverneområde
frå sørvest. Stølsheimen
er mykje nytta turområde, med merka turløyper heile året, samt 6 sjølvbetjeningshytter.
Tilkomst til Stordalen er frå E 39 på Matre via fylkesvegen til
Bjordal.
Det er heilårsopen veg til Stordalen, med parkering ved caravanplassen.
Stordalen
på Sognesida, er eit gamalt stølsområde for grunneigarar
på Østerbø, og grunneigarlaget har stått for utvikling av Stordalen
som friluftsområde, med turstiar, hyttetomtar, i tillegg felt for
utleigehytter. Snøtilhøva er gode med fint turterreng som gjev ei rik
oppleving anten du vel korte eller lange turar.
Fiske
i Østerbø sitt
fjellområde kan du gjere utan å kjøpe fiskekort, når du fiskar frå
land med stang. Det gjeld deler av Stordalsvatn, Krokevatn og Stølsvatn.
Garnfiske er berre tillate for
grunneigarane.
Jakt på småvilt/rype er det
ikkje opna for på Østerbø sin eigedom – for hjortejakt –kontakt
grunneigar.
Jakt- og fiskeoppsyn vert utført av tilsyn i tillegg til grunneigarar.
Stordalen
og Stordalsstølen hyttegrender
Var klar til utbygging i 1976, og 1993 der Stordalen er ei grend som
har 60 hytter med punktfeste, og Stordalsstølen har 40 hytter. Det er
framført El-straum og vatn til kvar tomt. Parkering er på eigne
parkeringsplassar ved fylkesvegen.
Stordalen
utleigehytter
Dette
feltet er regulert for utbygging i 1999, og er regulert i 5 hyttetun.
Utbygginga har ikkje starta ennå. Dette området ligg sentralt til og er
svært godt eigna til bedriftshytter.
Reguleringsplan
For
Stordalen er det utarbeidd reguleringsplan, - eit samarbeid mellom
grunneigarane, Masfjorden og Høyanger Kommunar. Denne planen er no under
revidering, der ein ser på endring /nye utbyggingsområde. På Østerbø
er eit nytt hytte-område under planlegging – eit fantastisk flott område
med utsikt over Stordalen.
Me reknar med at om eit par år vil feltet vere
klart. Skissa går på at det vert bygd sommarveg fram til ”kvar
hytte,” vatn, straum og avløp. Feltet vil få 20 til 30 tomtar, med høg
standar.
Kontakt:
Oddvar
Østerbø oddvar@ikjefjord.no
telefon 5771 2377 / 9703 7566
|
