Til velkomstsida
Ikjefjord på nett.

Om Ikjefjord
Kart

 [ Grendahuset ] [ Julemesse 2000 ] [ Ungdomslaget ] [ Idrettslaget ] [ Firkløveren 4H ] [ Skule og barnehage ] [ Utmark ] [ Stort og smått ]

Eikeneset Feriehytte

Vassdalen og Vassdalsvatnet har alltid vore ein idyllisk stad å vere. Etter at skogsvegen kom i 1994 endra dette bilete seg kanskje noko, men samstundes opna det for nye mogelegheiter. Grunneigarane har no kome godt i gang med arbeidet som skal gjere Vassdalen til ein meir attraktiv stad for friluftsliv og rekreasjon.

Fiskekultivering
Prosjekt Vassdalsvatnet rundt

 

Fiskekultivering:
Hausten 2000 starta me med regulering av fisketettleiken i Vassdalsvatnet. Fisken der er liten og mange i talet. På to kast fekk me omlag 300 fisk. Minuset var at på botnen var det felt mykje greiner, så det vert ein del etterarbeid. I tillegg er det nokså djupt på kastestaden (ved osen på Selbøen) slik at mykje fisk kunne komme seg unne under nota.

Den 23. mai 2001 kom derimot "fiskerevolusjonen" til Vassdalsvatnet. Gammal fangstreiskap i ny utforming skriv firmaet Innfisk AS i brosjyra for sine storruser til innlandsfiske. Som vist på TV kan dei og bruke no, etter å ha fått god omtale og reklame på NRK. Jon Løyland, produsent av rusene, var med denne onsdagskvelden og hjelpte oss med monteringa. Då var dei heile gjort på nokre få timar.
Knut Erlend, som skal stå ansvarleg for fiske, kunne stolt fortelje at allereie føremiddagen etter var det 29 fisk i fangstrommet, og sundag sama veka var der 102 stk. Dei 29 første vart alle målte og vegne, og resultatet av det vart som venta: Snittvekta var 106 gr, -lengda 24 cm. Gjennomsnittleg K-faktor var på 0.77.

Fyrste fiskesesongen gav i overkant av 1000 fisk, med ei toppvekt på 273 gr. Erfaringane fortel oss og at rusa fiskar best vår og haust, og truleg hadde resultatet vore endå betre om me hadde kunne sett den på litt djupare vatn. Men all fangst gjer at målet om større fisk i Vassdalsvatnet er nærare. Ynskjer du å hjelpe oss med dette, kan du ta med deg fiskestonga ein ettermiddag. Dersom du i tillegg har fiskekort for fjellvatna våre, får du dessutan fiske med garn i Vassdalsvatnet. Fisken smakar godt, og går heil i steikepanna...

Innfisk AS sine heimesider.

www.fishbooking.com

 

Jon Løyland instruerer Knut Erlend i korleis rusa skal skøytast i hop. Her er dei same to i sving med utsetjinga. Ikkje så lenge etter var rusa klar til innsats... ... og her ser du fangstresultatet etter tre døger.
No er fisken samla i ei gammal oppdrettsmære i påvente av levering. Denne provisoriske løysinga var ikkje ideell, og fleire av fiskane klarte å komme seg fri under eit uvêr. No er det montert skikkeleg røyr rundt, og me håpar på betre resultat.

Til toppen

Prosjekt "Vassdalsvatnet rundt:

Parallelt med fiskekultiveringa skal me gjere området langs med vatnet meir tilgjengeleg og pent for augo. Dette arbeidet tok me fat på i januar 2001 medan det enno var snjofritt. Frist for ferdigstilling er hausten 2003, noko som bør gå greitt.
Omtrent slik var status ved utgangen av september 2002:
Selbøvika og Selbøen: parkeringsplassar er ferdige, stien er utbetra, og bryggja er ferdig. Infoskilt, bålgrue og teltplass er ikkje ferdig.
Vassbakken: dei to nausta manglar berre vindskeier, skråningane er dekka med jord, bordet er på plass, vegen ned til bryggja manglar berre øverste gruslaget, og mesteparten av arbeidet med bryggja er gjort. Benkar, grill og infoskilt manglar.
Langs stranda: arbeidet med å reinske stien og betre tilkomsten til den er ferdig. Det står att å pynte vegskråning og grøfter.

September 2003 vart arbeidet sluttmeldt - og utført i tråd med planen.

Legg peikaren på bileta under, så finn du meir tekst.

 
Her på Vassbakken skal det lagast bryggje med tilkomst for rullestolbrukarar, grill, bord og benkar, og nausta skal byggjast oppatt. Frå eit parti av stien som blei rydda i vinter. Her skal det kome ein vegstubbe ned til stien i Selbøvika. Og då må det bårast og sprengast fyrst.     Mellom desse to steinane skal det murast ei lita bryggje for landing av fisk... Midt på Selbøen ligg det nokre steinar i torva. Dei ligg i firkantform, og det kan vere naturleg å spyrje: Var det eit stølshus her?
På denne steinen har me laga fundament slik at det går an å lage ein fin fiskeplass. Under desse granane vil me byggje ein liten gapahuk. Det er ein nydeleg stad. Isen låg tjukk i månadsskifte januar/februar. Så tjukk at det gjekk an å våge seg utpå med traktor. Dette er eit historisk bilete, for det er fyrste traktoren på Vassdalsisen. Datoen var 1. februar. Men det var nok tryggast å ta i bruk lettare doningar til å frakte stein over isen. Ei som prøver skeiser for fyrste gong.. Nokre fine januardagar seinare. På veg inn i ein "piruett".
Gunnar og Leif i fin driv med muring av bålgrue. Gapahuk tomten er klar. Slik vert utsikta. Juli 2001: Det er jamna og delvis påfyllt masse ned mot bryggja og stien i Selbøvika. Her er den nye bryggja i Selbøvika. Her er det fyllt og jamna slik at det vert lettare å komme seg ned til vatnet med fiskestanga. Hausten 2001: Parkeringsplass er jamna ut og klar til grusing.
Eit stykke av den utbetra stien til Selbøen. Norvald i ferd med å jamne til skråningen over vegen ned til bryggja på Vassbakken. Nausttomtene på Vassbakken før arbeidet tok til. Arbeidet med oppattbygging av murane er kome i gang. Fyrste muren er kommen opp. Råma til det eine naustet leggast på plass våren 2002.
Sutaket snart ferdig. Ein fin sommardag 2002 hadde me "torvdag". Frammøtet var godt og innsatsen stor, og det smakte herleg med nykokt betasuppe, kaffi og vaflar frå eigen kokk. Sylvi stillte som så ofte før med all den service me kunne tenkje oss. Slik såg det ut etter at torva var lagt og området rundt rydda. Vassbakken hausten 2002.


Til toppen

 

© Bjarte Myren
Ver snill å referer til Ikjefjord på nett ved all bruk av materiale frå desse sidene.
Ansvarleg redaktør: Bjarte Myren Tlf: (+ 47) 577 10561
 E-post: bjarte.myren@ikjefjord.no