Det blei fullt i grendahuset under årets haustfest
òg.
Ikjefjordingar og Oppedalingar set pris på det arbeidet born og vaksne
gjer i klubben, og stiller gjerne opp for å sjå kva medlemane har laga
til. Alle dei aktive medlemane stilte ut resultatet av den oppgåva dei
hadde valt i år. Til ei slik utstilling høyrer det med arbeidsbok med
avtalar, sider som fortel korleis dei har arbeida med oppgåva, melding om
korleis det har gått, og for dei eldste; budsjett og rekneskap. Men det
mest interessante er kanskje å sjå noko dei har laga, og: - bilete
frå oppgåveløysinga.
Oppgåvene skal til slutt vurderast av kunnige, og dei har ein hard tørn
før dørene opnar, med å studere innhald og gje kommentarar. Desse får
så den enkelte medlem saman med merke og diplom som ei avslutning på
festen. I år var det Roger Strandos for Sogn og Fjordane 4H og Oddvar Østerbø
for hovudsponsoren Sparebanken Sogn og Fjordane som stod for
denne markeringa.Litt underhaldning gjer seg og i det haustmørket sig på, og denne oktobersundagen
fekk dei frammøtte sjå teaterframsyninga "Lausøyre eller andre
løysingar". Eit songspel som handla om mobbing og hersing.
Koldtborda var dekka med allskens godsaker, og ein fekk prøve lukka i
lotteriet. Kjøpelysta var stor, og åreseljarane laut skrive på mange
nye årer. Takk
for støtta! og vel møtt neste år.
Under ser du ein del
bilete frå festen. Peik på dei, og det kjem fram ein tekst til kvart av dei etter
kvart.
|
